<--Matariki: Te noho tahi me Tākuta Rangi Matamua
Ko ‘Te Whāngai i te Hau Tapu’ he ritenga whakanui i a Ngā Mata o te Ariki Tāwhirimātea. Ka huihui te tangata ki tētahi wāhi e kite ai i a Matariki ki reira mahi umu ai. Ka hoatu ki te umu ngā kai e hāngai ana ki tēnā whetū, ki tēnā whetū. Ko ngā hua kai i tupu ake i te māra he mea tupu ki tētahi wāhi i rāhuitia mō taua kai. Ko ngā hua o te moana, o te awa, o ngā rākau he mea hopuhopu tuatahitia i ngā wāhi motuhake hei kai mā Matariki.
Matariki hunga nui – Matariki ahunga nui
Ka kōrero a Tākuta Rangi Matamua mō te rerekētanga o ngā whakataukī e rua:
I te rewanga o Matariki ka tīmata ngā tohunga ki te karakia ki ngā whetū, kātahi ka karangahia ngā ingoa o ngā mate o te tau, ā, ka tukuna ki a Pōhutukawa. Mutu ana tērā ka huakina te umu, ā, ka piki ake te korohū o te kai ki te rangi hei whāngai i ngā whetū o Matariki. He wā ōna ka tīkina te kai ka waiho ai ki tētahi tūāhu. He tikanga whakamihi tēnei mō ngā hua o te tau kua hipa.
Karakia
Whakarongo ki a Tākuta Rangi Matamua e taki ana i ētahi karakia e rua:
Karakia ki a Matariki
Ko tā tēnei karakia he whakahihiko i te ngākau ki ngā āhuatanga o Matariki me ngā whetū, arā ko ngā hononga ki te tangata me te whakamaiohatanga a te tangata ki ngā whetū.
Karakia ki a Hiwa-i-te-rangi
E tautuhi ana tēnei karakia mō Hiwa-i-te-rangi, he tamāhine nā Matariki, i ngā kaupapa nui whakaharahara i tū ai nō tērā mahutatanga a Matariki tae noa ki te wā e tukuna ai tēnei karakia, ā, he mea tuku e te tangata ōna tumanako, moemoeā, wawata tōmina anō.
Te whāngai i ngā whetū ©Living by the Stars
Ka mātaihia e ngā tohunga te āhua o ia whetū hei matapae i ngā āhuatanga o te taiao mō te tau e tū mai nei. I te mutunga iho ka tuaritia te kai ki te tangata.
He whakamārama mō te hautapu
Ka kōrero a Tākuta Rangi Matamua mō te ritenga hautapu:
Rerenga kōrero
| Umu | He momo hāngi/hapī |
| Rāhuitia | Kua whakatapu |
| Hopuhopu tuatahitia | Ko te tuatahi o ngā mea kua hopukina |
| Rewanga | Aranga |
| Korohū | Koroahu |
| Tūāhu |
