Akohia ngā kōrero mō Matariki ki te taha
o Tākuta Rangi Matamua
Te reo Pākeha wānanga – Matariki: A wānanga with Dr Rangi Matamua
Mō tēnei rauemi
He wā whakatā, noho tahi, kai tahi, whakamānawa hoki a Matariki me te mātahi o te tau. He mea whakamānawa i te ahurea Māori hei ahurea mō te katoa e motuhake ai a Aotearoa. Kua whakaharareitia tētahi rā o te tau hei rā Matariki ā muri ake nei.
I tēnei rauemi ka tohatoha a Tākuta Rangi Matamua i tana mātauranga tuku iho mō Matariki. Akohia me pēhea e whakamānawa ai i a Matariki i te akomanga, te kāinga, te hapori anō hoki.
Te Tūhura i a Matariki >
Me pēhea koe e kite ai i a Matariki i te rangi. He kōrero whakataki mō Matariki.
Ngā Mata o te Ariki Tāwhirimātea >
Te takenga o Matariki.
He tohu anō >
Arā noa atu ngā tohu o te taiao i whāia ai e ngā tūpuna.
Puanga Kai Rau >
He kōrero mō te whetū Puanga hei tohu i te mātahi o te tau.
Te Maramataka >
Ngā āhuatanga o te marama me te maramataka Māori.
“E ko te hautapu e rite ki te kai nā Matariki…” >
He kōrero mō te tikanga tuku iho nei, mō te ‘Whāngai i te hautapu’.
Te Rā Whakamānawa i a Matariki >
He kōrero mō te hararei tuatahi i Aotearoa e whakamānawa ai i a Matariki.
Whakaaturia āu mahi Matariki >
Whakamānawatia a Matariki i Aotearoa 2022!
Marautanga–He rauemi whakawhiti marau tēnei hei whakahihiko i te ngākau pākiki me te pakirehua ā-akonga. Tirohia te whārangi kaiako mō ētehi atu huatau ako mō Matariki.
He aratohu mā te pouako–He huarahi atu anō hei tautoko i a koe ki te ako tahi me āu ākonga. Kapohia ngā rauemi kaiako e pā ana ki ngā pūtake kōrero, ngā ngohe, me ngā hononga whai take, ā, whakarongo hoki ki ngā hopunga orooro a Tākuta Rangi Matamua e tohatoha ana i tana mātauranga mō te mātai arorangi.
E whaiwhakaaro ana tēnei rauemi ki ngā Whāinga Whanaketanga Toitū o te Kotahitanga o Ngā Iwi o te Ao (SDGs):
Te Kotahitanga o Ngā Iwi o te Ao SDG Whāinga 3: Hauora: Kia whakatūturutia te hauora tangata, kia whakatairangatia hoki te hauora mō te katoa, ahakoa ō rātou pakeketanga.
Te Kotahitanga o Ngā Iwi o te Ao SDG Whāinga 4: Kia whakatūturutia te mātauranga kauawhi, mātauranga tautika hoki, ā, kia whakatairanga ngā āheinga akoranga taumano mō te katoa.
He mea tautoko tēnei rauemi e:
