You can contact LEARNZ, part of CORE Education, at:
Postal Address:
PO Box 13 678,
Christchurch 8141,
New Zealand
Ngā Rātaka Rua
Rā: Rātu, Mahuru 10, 2019
Haerenga: Raranga Tuku Iho, Tohatoha Whiwhi Ōrite
Wahi: Te Pēwhairangi
Ngā huarere: He kapuapua te rāngi heoi anoo he
Kei hea: Kororāreka
Kia ora koutou
Te kōrero pāhekoheko
I noho tahi au me te kōrero kia Kipa Munro he mātanga tiaki taiao me ōna pānga ki te ao Māori. He nui ana kōrero, ngā pūrakau o te takiwa me ngā kōrero tuku iho
Te whakatere te R Tucker Thompson
I kake mātou katoa ki runga te kaipuke te R Tucker Thompson i tēnei ra. I miharo katoa au ki te whakarongo ki ōna hītori me ōna kōrero tuku iho. I whakahaere te kahupapa waka porotehi ki Moruroa i te wā i kariri pahūtia ngā Wiwi. Tumeke. I pērā tōnā momo ki ngā kaipuke i whakaterehia te moana mai Uropi i ngā tau rua rau rima tekau ki muri. I tiro mātou ki Motuarohia te motu i kōrerohia Kipa Munro ki muri mō ōna pānga i te wā i tae mai Kuki rāua ko Tupaia
Te whai i ngā tapuwae o Tupaia
I whānau mai a Tupaia i tētahi kāwai rangatira i Rangiātea i te takiwā o te tau 1724. E ai ki te kōrero he tāne tino tāroaroa a ia, he purotu, he pakari, he atamai hoki. I tohua ia hei pia ki Taputapuātea. Ka tohia hei tahua (Tahua = Tohunga ki roto i te reo Tahiti), ko tana pūkenga matua ko te whakatere waka. Ka whakangungua hoki hei ariki ki ngā pūkenga whakangahau, ā, ka puta hei tohunga whakatere waka. I pohehe ngā Māori ko ia ke te Kapene o te waka na te mea he tohunga i he tata tonu tōna reo ki tērā o te hau kainga. Kei runga te Endeavour ia i te wā i tae te kaipuke ki te Pēwhairangi i te tau 1769
Ngā kōrero tuku iho
I rongo au ki ngā kōrero o tētahi tīpuna ko Te Koukou tōna ingoa. Na tētahi o ngā kaumoana o Kapene Kukī te turi o Te Koukou i pūhia i te wā i pohiri rātou te kaipuke. Nā te kuare, te wiriwiri rānei i pērā ai. Heoi anoo na Tupaia te mauri i tau ai, i haere tahi ia me te hau kainga ki Waikare mō i te wananga i reira i hohoutia te rongo.
Kei te whare taonga
I te whare taonga o Kororareka i kite mātou tētahi pāhekoheko nui ko ōna kōrero e hangai ana ki ngā kōrero i rongo ki runga i te kaipuke. I reira hoki tētahi pikitia o te tīpuna Te Koukou me tētahi whakaahua o tōna niho rei i mau i ki roto i te pikitia. He hohonu te rangahau, he hohonu te kaupapa.
I haere mātou ki runga i te R Tucker Thompson Whakaahua: Pikihuia Little, LEARNZ.
Katahi anoo ka eke ki runga te kaipuke. Whakaahua: Pikihuia Little, LEARNZ.
Ngā tauira mai Te Kura o Waikare me Te Kura o Russell kei runga te kaipuke. Whakaahua: Pikihuia Little, LEARNZ.
Kei te whakatere te waka tētahi o ngā tauira o te kura. He aha te rereke o tēnei momo waka ki ngā waka hourua o ngā mātua tīpuna Whakaahua: Pikihuia Little, LEARNZ.
Kei te ine tētahi o ngā tauira te hohonu o te wai me tēnei rarangi kōnumata Whakaahua: Andrew Penny, LEARNZ.
He pikitia o te tīpuna Te Koukou ki te Whare Taonga o Kororareka Whakaahua: Pikihuia Little, LEARNZ.
He mahere pahekoheko e whakaatu ana ngā kōrero o te tutaki o te Māori me te Pākeha Whakaahua: Andrew Penny, LEARNZ.