<--Matariki: Te noho tahi me Tākuta Rangi Matamua
Dr Rangi Matamua, ©Living by the Stars
Tākuta Rangi Matamua (Tūhoe)
He mātanga kaiwhakawhanake a Tākuta Rangi Matamua. Nāna te nui o ngā mōhiotanga mō te mātai arorangi Māori i whakarauora, ina koa ko te mātauranga mō Matariki. He auaha tana rangahau mō te mātauranga Māori kua takohatia e ia ki te iwi whānau, otirā ki te ao.
Kua hau tōna rongo mō āna rangahau mātai arorangi e māmā ai te kapo, e pārekareka hoki ai te ahakoa te tangata, mātanga mai, kūware mai. He kaituhi a Rangi i tētahi pukapuka rongonui e kīia nei ko Matariki: Te Whetū Tapu o te Tau (he pukapuka anō i te reo Ingarihi). Ko ia hoki te kaikawe kōrero o Living by the Stars he kaupapa rongonui ā-ipurangi i whakawhiwhia ai he tohu whakamānawa. Kua whakatakotohia e ia te wero e pā ana ki ngā kōrero hori e rangona whānuitia mō te mātai arorangi Māori, ā, kua whakawhānuihia ō mātou māramatanga mō te mātai arorangi Māori ki tā te tirohanga Māori.
Kei te pūtahitanga tāna rangahau i waenga i te mātauranga Māori me te mātauranga pūtaiao Pākehā, ā, kei te āwhina ia kia hono anō te tangata ki te maramataka Māori me te taiao.
Kei roto hoki ia i tētahi rōpū e whakarauora ana i te mātai arorangi o ngā iwi taketake hei take purenga ihomatua. Kua whakawhiwhia ki a ia te tohu pūtaiao a te Pirimia me te Mētera Callaghan 2020 a Te Apārangi.
